新咪神高海寧選港姐嗰陣仲係肥妹仔，小小So知道佢一直努力減肥，由去年冬天開始日日食麥皮餐，到咗今年夏天已經Fit到漏油，原「峰」不動之餘，條腰仲得番24吋，難怪搵到個旅行社少東男友啦！
小小So：身材Fit咗咁多，好多男仔追啦？
高海寧：冇呀！上次嗰個只係朋友，依家冇人敢企我身邊，更何況係男友！
小小So：好想知你用咩方法減得咁成功？
高海寧：最初每日食麥皮，減咗一輪開始食番正常，但會盡量去油，尤其食煎炸嘢，會用茶沖兩次先敢放入口，仲會帶備麥包代替麥皮當午餐。
小小So：咁上圍有冇縮水？
高海寧：哈哈！少少啦！OK仲夠用，最滿意係瘦到條腰，依家剩番條腿要繼續減，唔知點解到依家都未有纖體公司搵？希望可以接Job賺錢之餘，仲可以幫到我瘦對腳。
小小So：好似連塊面都凹埋喎！係咪打Botox？
高海寧：我唔敢打呀！我成個人都瘦咗！所以連塊面啲水腫都退埋。