樂隊Mr.昨日為演唱會DVD舉行簽名會，吸引近千名歌迷撐場，逼爆商場，大會原定安排800個簽名籌，後來因人數愈來愈多，Mr.決定超額簽名，成員Ronny搞笑地帶領隊友即場「熱身」，Dash說：「我哋一定會簽晒先走！」對於有近千歌迷捧場，Tom直言心情興奮：「勁開心！之前同陳奕迅做巡迴，好掛住香港嘅歌迷，雖然我哋出去唔同地方介紹我哋嘅音樂，但始終都係香港感覺最親切！我尋晚（前晚）都睇DVD睇通宵，連妝都冇化就出嚟！」
Mr.透露已自薦為校長譚詠麟7月舉行的演唱會協力，以報答知遇之恩，雙方還有大型合作計劃。問到會否舉行Mr.演唱會Part 2？Dash透露主辦單位亦希望他們開騷：「佢哋都搵緊贊助商，希望可以盡快落實，不過我哋想做多啲歌先。」至於會否做巡迴演唱會，Mr.笑言已完成九龍區的演出，稍後會在香港區及新界巡迴。
