周秀娜（Chrissie）昨日與師弟Bro 5出席《Umbro X iSQUARE英格蘭球衣珍藏展》，穿波衫襯迷你熱褲的Chrissie棄性感騷長腿，但波衫上的一隻手掌圖案剛好包着左胸，這隻「噴血Cup手胸」頓時令人想入非非。問到左胸上的手是誰時，她笑說：「係上帝之手！唔係，係我隻手！（好誘人！）其實係唱國歌嘅手勢。（你身材令效果更立體？）都幫到吓嘅！」當她為Bro 5伴舞時不慎露底。

自認「鬧鐘」的周秀娜（左圖）將與「警鐘胸」Jessica C.合作拍戲，未知屆時會否大鬥法！

放大圖片

合作拒比較

Chrissie剛於蒙地卡羅拍攝寫真集，問到有否玩滴蠟，她說：「滴鼻涕就有，當地好凍同落雨，我着得好少衫！（喺街着比堅尼有人望？）有個男仔好熱情，同我合照完仲跟住我。（有信心贏寫真戰？）都有，或者到時我帶多對腳去踢波！」她透露與Jessica C.合作的新戲將於8月開拍，問到會否與以警鐘胸聞名的Jessica鬥法，她說：「咁我今日就着咗殺警鐘嘅衫，我自己嗰個係鬧鐘！」

Jessica C.趴地示範掌上壓，場面搞笑。

周秀娜挨在師弟的身上熱舞。

另外，Jessica C.出席《K-Swiss活動》時，俯身為台上的男士穿波鞋，並示範掌上壓，使出一招「V煞」露出誘人「事業線」。她透露很期待與Chrissie見面，並知道外界會將她們作比較，但她不會跟對方比較：「我會以最好嘅姿態上陣，佢都好靚，我哋係唔同嘅人，只會同自己比！（邊個身材勁？）我諗我細過佢！」