謝霆鋒及張栢芝的次子Quintus樣貌昨日曝光，眼仔睩睩的他擁有大耳珠，五官激似爺爺謝賢！負責拍照的攝影師夏永康大讚BB又乖又醒，短短兩日人仔已懂得捕捉鏡頭，認真犀利！
張栢芝於上周三開刀分娩，謝家上下每日進出醫院探望，雖然十分忙碌，但一家人樂在其中，經理人周小姐透露栢芝康復情況理想，有望日內出院。
昨日，謝家向傳媒發放兩張初生BB的照片，其中一張由名攝影師夏永康操刀，相片左上角印上BB名字Quintus，據知Quintus在古羅馬可解作「5月出世的孩子」。從相中可見，「5月仔」Quintus單眼皮且眼仔睩睩，眼珠甚大，更有對大耳珠，五官激似爺爺謝賢，對着鏡頭時亦面不改容，非常討人喜愛，另一張則是謝家自拍的Snap-shot，正在熟睡的Lucas與弟弟「5月仔」合照，狀甚溫馨。
夏永康爆栢芝精神
夏永康透露當晚專程從外地趕返港，到達醫院已是凌晨時分，幸而「5月仔」剛巧起床，他笑言從未見過如此乖巧的BB，亦似懂捕捉鏡頭：「影嗰日BB出世兩日，啱啱收晒水，我冇氹佢呀！由佢發揮，但佢乖到不得了，好似知道你做緊咩咁，不停望住我！」他表示本欲拉攏Lucas與弟弟合照，但因Lucas發燒而未能成事。夏永康指栢芝產後很精神，大夥兒還在病房閒談，他亦有機會一抱「5月仔」。
狄波拉讚BB有福相
心情大佳的四哥謝賢，昨日表示已欣賞細孫仔的照片，又指榮升哥哥的Lucas心情興奮，在病房走來走去不睡覺，結果發燒收場，霆鋒見狀即把他帶回家，四哥說：「Lucas覺得屋企太靜，依家身體好番啲，又要去醫院探細佬！（唔同孫仔合照？）都冇叫！唔緊要，細路仔個樣會變，等大個啲先影，我日日攞住部DV機，係想拍低細孫仔成長過程。」嫲嫲狄波拉大讚「5月仔」擁有謝家鼻，樣貌似爺爺，耳珠則似她：「好有福相，個英文名係霆鋒改，我唔知點解o架！但有個Q字即係可愛啦！（擺滿月酒？）我好忙，電話每隔一秒就響。」
