多款乳酪、醬料及逾三十款配料當前，兩人即露出為食嘴臉，Renee率先選擇草莓口味乳酪，配以藍莓、草莓、奇異果、提子及Oreo，再淋上朱古力醬，一「杯」在手的她趕緊撥一大羹放入口：「好好味！乳酪唔係太酸，感覺同味道好似雪糕。我本身好鍾意食生果，尤其係藍莓，可以補充維他命C之餘，又有抗氧化作用。呢度有咁多款生果配料畀我揀，真係好正！」Miyoko則獲店員推介健康杧果乳酪，配上粟米片、南瓜子、提子乾、甜燕麥及紅莓乾等，她食一大啖後即說：「以前讀書嗰時都鍾意同朋友買一大杯乳酪Share食，呢個杧果乳酪唔會太甜，啱晒我口味！乾果類配埋乳酪一齊食，感覺冇齋食咁Dry，好易入口。」

李蘊揀選了多款鮮果及朱古力醬配襯草莓蛋糕。

大小Cupcakes賣相精緻，令人垂涎三尺。

除了乳酪外，Renee與Miyoko還品嘗店舖的招牌Cupcakes，她們對大大小小、色香味俱全的Cupcakes愛不釋手，怕肥的兩人不約而同選擇雲呢拿口味的Cupcakes：「雲呢拿味好夠濃，食落口感夠鬆軟，讚啊！」

店舖有多達三十種配料供選擇。

李蘊與劉欣宜對美味乳酪愛不釋手，兩人羹不離口密密食。