書展將至，一班o靚模最近忙於拍攝噴血寫真集，趙碩之（Wylie）早前被本報拍得穿三點式現身棕櫚島，更露出近私處的紋身！原來她並非拍攝寫真集，而是以六位數字酬勞接拍Pretty House的美容院廣告。
由於拍攝時間緊迫，Wylie三天只睡了三小時，向自己的體力挑戰！其中一個造型要穿上五吋高踭鞋，由於她日夜趕工致睡眠不足，結果拍攝時不小心「拗柴」，更把站在泳池邊的臨時演員推落水池，Wylie事後不好意思地說：「今次廣告商真係好揼本拍呢個廣告，老闆仲日日嚟監場，搞到我都有啲壓力，唔敢偷懶！」
對於推跌臨時演員落水，她再三賠個不是：「我冇心o架！只係一時失咗重心，佢上水後我即刻跑去拎毛巾同水畀佢，好彩對方都冇嬲！」