15/05/2010

播放本新聞相關短片

江若琳堅稱與陳鍵鋒冇可能

前晚突然有爆料指陳鍵鋒與江若琳(Elanne)拍劇時「撻着」,一支水兩份飲之餘,Elanne更在微博中暱稱鍵鋒「BoBo」傳情;此外,有知情人士指鍵鋒拍《學警狙擊》時已對Elanne有好感,經常大讚靚女。昨日,他倆出席新劇《洪武三十二》開鏡時,連聲否認緋聞,Elanne說:「黐線!咁搞笑?邊有可能呀!」她又指絕不會與男性同飲一支水,並強調與鍵鋒沒有微博傳情:「我幫鍵鋒改咗個名叫BoBo,佢喺劇入面叫三保吖嘛!」她又不避嫌為鍵鋒抱不平:「點解你哋咁質疑佢性取向?我覺得佢好正常,佢有啲小動作都好Man。」

而鍵鋒亦力撐Elanne不姣:「佢性格外向啫!(話佢改變你性取向?)咁嚴重?我取向從來冇變過。(有冇發展可能?)所有靚女都有機會,我嫌佢矮咗啲。」鍵鋒又大爆Elanne在微博中經常與男演員「來往」以求轉移視線:「好似謝天華、陳山聰咁!總之傳緋聞好過傳不和,依家Happy到爆!」