楊千嬅昨日簽約華星，自言希望簽到退休：「喺同一個地方出道同歸隱都係好事！」她表示以親情價簽約2年，雖然公司暫時只有千嬅一個歌手，但她卻拒當一姐：「梅姐（梅艷芳）永遠係大家姐。（拉攏其他同學回巢？）靠公司喇！（舊老闆黎明送上祝福？）同黎生係一家人，佢幫我發行。」
千嬅表示轉會後工作爆棚：「出國語碟，10月搞個唱同計劃拍一部可歌可泣嘅愛情片，個唱會喺內地巡迴！」對於老公丁子高被雜誌指猴擒，千嬅即維護說：「雜誌就猴擒，有Mood先得o架！佢係成日拎本通勝，睇吓邊個生肖夾自己！」而丁子高在微博上祝賀老婆回歸公司！
