官恩娜（Ella）、黃宗澤（Bosco）、胡杏兒、林莉及周家蔚等前晚出席《Wella Trend Vision 2010 Hair Show》。Ella身穿Deep V晚裝，大晒「事業線」，問到谷得「咁行」可會抖不到氣，她笑說：「抖到！（咁性感男友批准？）晚裝梗會有啲性感，今晚好安全！（全場最性感？）大家都好隆重，我係因應場合！我平時粗粗魯魯，難得今日咁靚，呢個仙女Look好滿意，要改變之前嘅粗魯形象。」
而緋聞情侶Bosco及胡杏兒亦同場出現，但杏兒完場後即閃不肯合照，結果被Bosco取笑「小器」：「後台都有見過杏兒，佢趕開工！（情侶檔收厚酬？）公司決定！」對於杏兒與鄭嘉穎在新劇中有激烈床戲及咀戲，Bosco坦言不介意，還大叫「正呀！」其後即示威指他在新劇《隔離七日情》中亦被朱璇及郭羨妮強吻。
