做藝人好多時都係表面風光，有時有苦自己知，外形嬌滴滴嘅陳法拉就成日都同小小So講，拍戲遇過唔少辛苦事。
小小So：法拉，之前試過拍電影，感覺辛唔辛苦呀？
陳法拉：都幾，不過辛苦都值得。記得當日拍《LAUGHING GOR之節》嘅時候，有場戲好難忘，嗰場戲要我向吳鎮宇發脾氣，一手將枱上嘅玻璃酒樽掃爛晒，因為啲玻璃好薄，掃埋去嗰下玻璃樽已經爆咗，搞到啲玻璃碎插晒入隻手度，流晒血。
小小So：咁有冇即刻停機？
陳法拉：冇呀！因為唔想阻礙拍攝進度，我惟有死頂繼續拍，仲要鎮宇叉我頸，真係好辛苦！完咗之後，工作人員即刻幫我止血。
小小So：之後仲有冇繼續拍？
陳法拉：有呀！仲要係同一場戲，第二個Take拍多次！
小小So：真係慘喇！
陳法拉：都冇辦法啦！惟有用手月爭借位掃，冇咁痛嘛！