有「港版Leah Dizon」之稱的Mia身份確實神秘，她先後被踢爆曾誕下一對子女及疑似整容，離婚後更搭上郭秀雲之子錢景峰！本報昨日收到讀者爆料，力指Mia只是單方面簽下離婚紙，但「前夫」莊先生從未首肯。

消息指Mia與錢景峰拍拖前，極多裙下之臣，但莊先生依然不離不棄，希望有天能復合；更指莊先生並非整容醫生，只是賣雪糕，家底絕對不能跟錢景峰相比。至於撫養權問題，Mia原本早已放棄，因為有關她的報道已經「通天」，為保好媽媽形象才爭取撫養權。

望有新開始

本報昨日到雪糕店了解，莊先生甫見記者即一臉愕然，被問到是否仍未動筆簽離婚紙？他說：「唔方便講，呢啲會影響屋企人同Mia！」問到有否機會跟Mia復合？莊先生說：「好難答，將來嘅事冇人知！」但他會衷心支持Mia入行，望她發展順利，但對錢景峰卻隻字不提。

記者再致電向Mia求證，對於仍未辦妥離婚手續，她坦言感到離奇和愕然：「我已經同佢有共識，都分開咗一段長時間，唔係單方面！不過我唔想講幾時，只想大家有新開始，對我嚟講，佢依家只係小朋友嘅爹哋！我知佢做緊雪糕店。」