昨日Jessica C.（JC）到apm出席世界盃宣傳活動時，分別穿上吊帶裙及迷你Tee襯熱褲，收起招牌警鐘胸。問到為何不跟外籍模特兒穿比堅尼，她說：「呢排要小心啲，唔想出到嚟變咗另一樣嘢，短Tee加熱褲OK，比堅尼就唔好喇！」此舉似乎與鹹網盜用其照片有關。
JC所屬公司已告知她的照片成為鹹網吸客工具，她扁扁嘴說：「我知啲相本身冇色情成分，人哋點用我嘅相控制唔到，我好鍾意依家嘅工作，唔想摧毀形象，唔想再有任何我嘅相片出現喺呢類網站度。」問到是否已採取法律行動，她表示交由經理人公司決定。提到世界盃，JC與男友都支持巴西隊，球星則最愛卡卡：「碧咸都好，其實所有Cute Guys我都鍾意。」
