張栢芝為謝家誕下第二名兒子，老爺謝賢（四哥）及奶奶狄波拉自然喜上眉梢，昨午前後腳抵達養和醫院探新抱。
昨午5時許，身穿白裙、一頭紅髮的拉姑偕丈夫鬍鬚Kong抵達醫院，被大批記者包圍，混亂間有電視台記者碰跌咪牌，心情大靚的拉姑即為對方拾起。手持一大袋玩具的拉姑直言，是送給新孫仔的禮物，更風騷地表示待栢芝生BB後，會立即向大家報喜：「好多謝大家咁關心我哋謝家！」當記者要求她企定定影相，她即風騷地說：「好，我360度畀你哋影！」
未幾，四哥亦獨自抵達醫院，悉心打扮以白衫襯紅褲，他又吩咐傭人買數打葡撻慰勞在場記者，認真有心。
至於栢芝父母，一整天亦未見現身醫院，記者到栢芝媽與男友合資的海鮮酒家，亦未見其蹤影，酒樓員工見記者前來即顯得煞有介事：「唔知呀！唔好問我哋。」