栢芝好友葉佩雯昨晚7時許偕男友Eric Kwok乘的士到醫院探望，霆鋒助手本在正門迎接，但她看見大批記者即提早落車，匆匆跑入醫院。對於霆鋒前晚到訪其男友的寓所，她在電話中說：「係呀！（你下廚？）唔係，我哋叫外賣。（傾咩？）唔識答你，朋友嘢囉！唔講得！（講生BB？）唔係。（睇BB？）希望睇到啦！（帶咩去探望？）帶個人囉！等埋Eric先去。」
至於霆鋒經理人霍汶希則於5時半抵達醫院，至7時半才離開，問到栢芝是否已分娩，她說：「遲啲爺爺、嫲嫲會落嚟公布。（發相？）唔會。」
另一好友Rick Chin亦替栢芝開心：「祝母子平安，健健康康。栢芝之前已經『命令』我送一套我將會代理嘅小朋友護膚、沖涼用品畀佢，等佢個仔可以做『白老鼠』，試吓新產品。」