小小So真係好鍾意「新邦民女」陳嘉寶（Anjaylia），有日小小So喺尖沙咀撞到剛放學嘅Anjaylia，於是請佢一齊去High Tea兼Shopping，點知佢話High Tea冇所謂，但Shopping就免問，因為佢話會慳嚟交學費，唔想用家人一分一毫。
小小So：真係唔Shopping？
Anjaylia：唔啦！我間中購物癮起先會去Shopping，平時都係約吓朋友食飯睇戲。
小小So：邊有女人唔鍾意Shoppingo架？
Anjaylia：嗰個咪我囉！由細到大我都好慳，每季都係買幾千蚊衫。
小小So：每季幾千蚊？唔係好信！
Anjaylia：我唔捨得買衫，但讀書、進修就多多錢都捨得！
小小So：咁你一個月有幾多零用錢？
Anjaylia：我有能力賺錢就冇問屋企人攞零用錢，就連依家大學學費都係自己畀，想自食其力。
Anjaylia唔單止靚，仲好乖，人哋話娛樂圈係個大染缸，但佢一啲都冇學壞到，仲好生性同孝順，真係值得大讚！