剛推出新碟不久的洪卓立（Ken），對天王陳奕迅（Eason）和天后容祖兒特別崇拜，他說：「祖兒係我師姐，佢舞台演出經驗豐富，唱歌好聽，做嘢勤力同認真，但私下大家又係朋友，佢好Nice同玩得，仲經常鼓勵我，雖然大家同公司，但各有各忙，未必日日見，但一見面就雞啄唔斷，好多嘢傾。」Ken對Eason亦有讚冇彈：「Eason唱歌除咗有技巧外，仲充滿感情，感染力相當強，而且佢個Style好有風格，好正。（偷師？）都有呀！會研究佢嘅唱法，我喺卡拉OK唱嘅第一首歌，就係佢嘅《綿綿》，好後悔當年參加新秀冇唱佢啲歌。」