11/05/2010

播放本新聞相關短片

高海寧背心襲南非講波

新咪神高海寧及梁政珏,昨日與楊秀惠及周美欣等出席《2010無綫世界盃由我啟動》活動,高海寧透露將身負重任:「遲啲會去南非為無綫拍世界盃節目,我會惡補資料,知當地好熱,我會着背心、球衣,唔擔心當地治安,最多咪唔出夜街。」梁政珏亦出招獻殷勤:「指甲油搽咗阿根廷國旗同無綫三色台徽,頭先我揸車過嚟,因為跣呔撞到貨車尾,個司機猛鬧我,我仲撞親條頸,好驚屋企人怪我撞凹架車。」

至於無綫總監(非戲劇製作)何麗全則透露會多做世盃宣傳,令氣氛更熾熱,問到會否怕有線漁人得利?他說:「無綫以七位數字引入歐美系統,虛擬入球精華放喺翡翠台播,有信心吸引到自己觀眾,無綫同李克勤仲傾緊合作。(有線千萬元斟李克勤?)佢推咗,無綫唔會畀咁多。」