樂壇巨肺甄妮前晚舉行尾場演唱會,粵劇前輩白雪仙亦捧場。甄妮與嘉賓林子祥鬥唱功,林子祥搞笑地說:「想睇吓你係咪真係咁性感。」甄妮即請食「波餅」,嚇到他不停退後,還被她揶揄:「想返去畀老婆打Pat Pat呀?」
揚言不再開演唱會的甄妮,尾聲時即盡吐心中情:「依家個個都係最佳男、女歌手!我哋以前對住前輩離遠50步都鞠躬,但依家啲歌手見到我掂行掂過……我從來冇埋堆,適應唔到!」她講到激動時終落淚:「我係唔捨得,但我要喺最叻嘅時候收工,要你哋永遠記住我,冇人可以超越我。」贏得全場掌聲,女兒Melody上台獻花,兩母女哭成淚人。慶功宴上,甄妮表示「最叻」只是開玩笑:「畀我吹吓水!」