阮兆祥

「我同祥仔識咗最耐，中四參加校際辯論比賽時已經識佢，佢又係新秀出身，合作過好多次，佢好玩得、夠放、轉數快，樣唔靚，但內心好善良，正經唱歌仲好好聽！」

李思捷

「幾年前我喺一個節目做評判，記得思捷扮阿Lam唱歌，真係好似，扮鄭少秋都好神似！我有睇『Sat in the City』，唔知點解覺得佢個感覺超似鄧藹霖！哈哈！」

王祖藍

「我哋喺《同事三分親》同《畢打自己人》合作變熟，佢好乖，係好虔誠嘅教徒，我好鍾意佢，如果老公乖到佢咁就正！祖藍好多才藝，都幾刻苦。」

後記：歌不離口冇你收

「福祿壽」是不可控制的一群，做節目如是，做訪問如是！攝影師要求他們埋位拍照，豈料思捷、祥仔和祖藍似開籠雀喪唱《Lonely》、《怎麼天生不是女人》及《失憶諒解備忘錄》……歌聲震天，連在休息室的阿姐也忍不住出來「裝裝」他們搞邊科！沒辦法，他們表演欲爆棚，天天也過着《超級巨聲》的生活。