原擇日今天母親節剖腹分娩的張栢芝，昨日被姑仔謝婷婷踢爆臨時改期，延至周五（14日）才生BB。與韓星安七炫在上海出席時裝騷的婷婷表示，已透過家庭會議討論好「謝家二公子」的名字，但沒透露詳情。
記者昨日致電即將再做嫲嫲的狄波拉，她心情大靚，對於網友熱心地為BB改名Focus，她大笑幾聲說：「好好聽！（『焦點』寓意BB萬千寵愛在一身。）唔使萬千寵愛在一身，佢有個栢芝咁好嘅媽咪已經最好！」問到栢芝是否更改產期，拉姑說：「唔知喎！（霆鋒點同你慶祝母親節？）阿仔話驚出街引記者追，嚇親栢芝。如果係呢十日內生BB，唔會出街。阿仔陪老婆，我攬住個女就夠。」
而謝賢（四哥）亦拒絕透露孫兒何時出世：「我等通知，霆鋒係一家之主，BB嘅名由佢話事，Lucas振軒都係佢改。」而栢芝經理人周小姐對其預產期及BB名字均表示不知情。