郭可盈年初為林文龍誕下女兒林天若（Tania），囡囡三個多月大，體重已逾18磅，手腳圓碌碌，猶如「節瓜人」般可愛。原來可盈以人奶和奶粉力谷，「谷肥」女兒，但她強調女兒並非首席肥妹！她又指囡囡眼神似文龍，瞓覺時就似自己：「囡囡表情日日唔同，唔想錯失每一個表情，我日日相機不離身。佢食完就瞓，瞓醒就食，一覺瞓天光，我唔使餵夜奶，所以都有覺好瞓。（追多個？）會！不過唔急，由個天安排。」

今日母親節，可盈只管訂枱與母親慶祝，但郭母提醒她才醒覺自己亦已有女兒：「阿媽提我，我先感受到做人阿媽嗰種感覺，所以會帶埋媽媽同個女，仲有老公文龍同家人一齊食飯。（想收到咩禮物？）囡囡健康我最開心，佢對聲、光好敏感，好鍾意講嘢，我同佢溝通，佢呀呀聲好積極回應，依家我同佢講廣東話，但見到雀仔、巴士都會同佢講英文單字教佢，我都想個女學彈琴。」

郭可盈女兒林天若。

李樂詩兒子Maxton。

而曾讚可盈囡囡「好靚好可愛」、想與可盈對親家的陳慧琳（Kelly），第一年跟「蝦蛟仔」劉昇過母親節，但因十個月大的囝囝未懂性，她不會特別慶祝，只想兒子快些叫她一聲「媽媽」：「佢爬得快，認得我係米飯班主，見到我就知有得食。（聽你唱歌好興奮？）佢聽我唱『上上下下左左右右』同數字歌會笑！」

李樂詩帶囝囝Maxton游水，做個健康寶寶。

與肥肥白白的Maxton玩騎膊馬，李樂詩亦不覺累。

李樂詩冇忽略老公

同樣，首年當上媽媽歡度佳節的李樂詩（Joyce），兒子Maxton已七個月大，其夫Ted亦很有心，先與她在澳門過二人世界，今日再與母子食飯慶祝。自認產後仍未收身的Joyce，笑說家中其實有兩個Baby：「雖然老公唔會呷醋，但會扮BB話要錫錫，我都會提醒自己，唔可以忽略老公。」