陳法拉、鄧萃雯及黎耀祥昨日為《巾幗梟雄之義海豪情》拜神，滿面病容的法拉被問到是否因男友豪宅風大而冷病，她笑說：「返屋企嘅時間都幾乎冇！（男友叫你做少奶奶？）冇！佢知我鍾意演戲，好支持我。」劇集將延續「四奶奶」與「柴九」的感情，問到雯女與祥仔有否親熱戲？她說：「唔使靠身體語言表達，劇裏面我哋有過夜都冇嘢，可以教育下一代愛唔一定擁有，過夜唔一定有嘢發生。」有傳影后惠英紅要求加戲，她表示從來不愛爭。
另外，法拉的「準妯娌」諸葛梓岐出席黃埔新天地舉行的環保活動，她亦是環保分子：「唔着嘅衫我會送畀朋友或者捐畀人，我會D.I.Y.啲衫自己或者畀工人，佢係我嘅模特兒。（用好多錢買衫？）少咗，知道搵錢辛苦。」提到母親節，她本打算到北京探望母親，但對方卻要到外地開會。
