雖然有人急結婚，但亦有人唔憂嫁！與Jean Todt訂婚逾三年的楊紫瓊（Michelle）前晚以代言人身份出席手機品牌Vertu活動，同場還有內地女星李小璐、董潔與老公潘粵明、名模裴蓓與男友。Michelle透露正洽談兩個Project，但暫時未能公布，問到其中一個是否結婚？她笑說：「未住！一張婚紙唔代表一切。依家好開心，佢浪漫過我，我哋成日飛嚟飛去，分開又見面，小別勝新婚！」她還透露剛拍罷《劍雨江湖》，問到有否指導戲中的新打女，Michelle說：「無論同邊個合作，我都會畀意見。（同韓星鄭雨盛合作有冇溝通障礙？）拍古裝講普通話，對佢嚟講都好大壓力，我哋成日都一齊練習，有時練練吓會話：『都係算罷啦！』（你拍打戲諗住拍到幾時？）拍到我唔要為止！依家仲好享受。」