范姜早前為鍾鎮濤（阿B）誕下細女鍾幗，適逢明日是母親節，鍾懿（Blythe）畫心意卡送給母親及台灣的婆婆，氹得范姜笑逐顏開：「佢仲畫咗一幅我同阿B嘅結婚相，因為佢去同學屋企，見到人哋父母有結婚相，於是返嚟就叫我哋結婚！我咪話：『遲啲得閒先！』點知佢仲話：『點解要等得閒先？』我咪話：『因為Busy囉！』」Blythe更經常寫信傳真給在台北讀書的姐姐嘉晴，十分窩心！
至於小小B女鍾幗，5個月大已相當可愛，范姜說：「醫生話佢身高喺同年紀屬Top 1 o架！」另外，阿B昨日到台灣出席記者會，他否認當年曾跟鄧麗君拍拖兼認識雙方家長，問到是否曾經對她心動？阿B笑說：「郎有情、妹無意！」
