出名孝順的楊怡，除了預留母親節陪媽咪外，日前更到「桂格母親節簡易燕麥菜式烹調教室」，在名廚周中師傅指導下烹調兩款菜式氹至親。她下廚有板有眼，獲讚有潛質做賢妻良母，逗得她喜上眉梢：「有人要先算啦！依家工作為先，畀多幾年搵錢，最快都要5年先得！」她向來重視母親節，今年自然會送禮給媽咪：「往年都係送5位數字嘅禮物，今年都唔會例外！我最想帶媽咪去遊世博，仲想努力啲做嘢，買多幾層樓畀媽咪做包租婆！（再打本畀佢開舖？）唔會，唔想佢咁辛苦！」