徐淑敏（Suki）日前與老公黃浩（Kenny）及女兒Vianna乘保母車到銅鑼灣，Kenny急忙到名店取回一袋東西，然後折返會合正在餵囡囡飲奶的Suki，記者發現Vianna眼大大，樣子精靈，難怪深得父親寵愛！

事後，Kenny接受電話訪問時笑言，當時在做信差：「Suki買咗個銀包畀我媽咪做母親節禮物，因為佢湊住Vianna，我咪幫佢攞番個銀包囉！Suki好細心，知道媽咪要袋好多嘢，所以送個容量大啲嘅，仲刻埋媽咪個名添！」愛妻如此識做，故他亦訂了鮮花及名牌手袋慰勞老婆，且約了媽咪、外母及Suki，連同女兒「三代同堂」食飯慶祝：「好驚畀佢哋話我大細超，所以訂咗3束一式一樣嘅花！」

9月正式復出

Kenny十分開通，舉腳贊成Suki復出，還多請了一個傭人幫手照顧Vianna，又代Suki發表「復出宣言」：「佢9月要開工，暫時未知拍乜！（禁止老婆拍親熱戲？）呢方面我冇乜所謂，反正電視尺度有限。如果咀我偶像鍾鎮濤就冇所謂，其他男主角就要考慮吓！」