最近亞姐顏子菲搭上已婚導演謝松軒，令女方被公司「雪藏」，男方更遭炒魷！昨日與子菲同住的姚佳雯出席活動時突然喪喊，更激動得攬着鮑起靜。佳雯坦言感到委屈，問到是否被公司「照肺」？她說：「我又唔係第三者，好多人覺得我講得太多，我性格太真，係唔係應該假啲？」她表示與子菲仍是好友，坦言不是爆料者，又透露前晚曾與子菲傾偈：「佢話公司繼續簽合約就會簽，唔係就返加拿大讀書。（有冇話同個導演斬纜？）冇！（對佢失望？）唔好咁講，都好驚，唔知乜嘢說話講得。（同阿軒好熟？）唔係！唔想攬屎上身。」至於鮑姐認為結交朋友沒所謂，但不要嚴重到影響別人家庭，並坦言會勸導子菲及阿軒。