紅姑、Baby和陶喆等前晚在北京出席agnes b.旗艦店開幕及時裝騷，騷長腿的Baby表示首次與紅姑見面：「好期待同佢見面，佢好靚，但我唔敢問佢有咩心得，我想同佢合照。」對於有指她是第三者搶走黃曉明，她認為是炒作新聞，不會因此不開心：「唔係第一次咁傳，傳得多都悶。（順道探黃曉明﹖）唔知佢喺邊。」Baby透露抵達北京的第二天得知外婆病逝，已有心理準備，但仍很難過。

為發哥煮飯

至於身穿性感低胸襯衣的紅姑，大讚Baby靚女：「佢好有潛質同好紅。（復出？）講過好多次，唔會。發哥（周潤發）仲喺內地拍戲，佢好成功，我就冇佢咁叻。」紅姑自爆不時與發哥聯絡，對方最愛品嘗她的烹飪手勢。問到陳浥萍兩年前已離婚及已有新歡，她說：「冇留意報道，唔知道。」

此外，將於本月22日在東京舉行的《Girls Awards 2010》時裝騷，除邀得當地知名日模出席外，其官方網站亦發現麥浚龍哥哥的緋聞女友Cice Li及台模李毓芬都有份行騷。有傳香港方面亦邀請周秀娜及諸葛梓岐，周秀娜因要拍戲而遲遲未落實，梓岐則承認會出席，但詳情不便透露。