林莉與莊思敏昨日為時裝品牌GAY GIANO任模特兒，林莉示範一套高衩兼Deep V晚裝時，露出三吋「事業線」：「條裙好高衩，所以我只能夠細細步咁行，想擘開少少隻腳擺甫士都唔得！（條裙好逼爆喎！）條裙喺外國運嚟，細咗少少，所以着到好逼爆！（『事業線』好長！）最重要冇走光！」她坦言希望事業如胸前「事業線」般長：「我會畀心機搵錢，改善家人嘅生活！」她透露母親節會親自炮製晚餐答謝母親，問到會否與男友同行？她笑說：「媽咪都有問我幾時拍拖，總之工作為主！」

放大圖片	莊思敏「峰」頭被搶，惟有露背還擊。

莊思敏考慮隆胸

至於露玉背的莊思敏亦大方讚林莉「胸」湧：「如果唔使放矽袋，我都會考慮隆胸！（想要幾長嘅『事業線』？）唔知！依家啲人愈嚟愈長，頂到上喉嚨！（男友吳浩康鍾意你幾長？）佢冇講喎！可能佢話愈Deep（吳之洋名）愈好！」