黎明最近力捧神秘新人JW，令外間議論紛紛，更有指旗下「雙J」文詠珊（JM）與衞蘭（Janice）失寵，昨日JM接受電台訪問時，踢爆最近有雜誌公開的JW照片並非其真人，她說：「相嗰個唔係我朋友，唔係佢（JW），我見到都覺得好疑惑，我哋係入Camp識，唔係同學，都有10年冇見！」她透露對方正在外國考試，並畫出「抽象JW圖」，被主持人取笑JW貌似男人。
此外，衞蘭前晚出席活動，對於被指失寵，她說：「唔係真，大家係一家人，冇話邊個鬥邊個。」至於妹妹衞詩舊愛關楚耀自毒案後復出，衞蘭表示戥對方高興：「有聽佢新歌，進步好多，祝福佢。（妹妹復出？）時間到就到，藉着信仰，唔需要得到一啲嘢亦感到滿足！」
