婷婷爆霆鋒喝窒Lucas

汪詩詩、謝婷婷及趙式芝出席A.D.M.J手袋活動，着上I.T旗下法國品牌COMMUUN的婷婷表示母親狄波拉管教甚嚴，她與哥哥謝霆鋒年幼時經常被打：「阿哥試過被打Pat Pat，痛到坐唔到！」她踢爆霆鋒亦是嚴父一名：「雖然我冇見過佢打Lucas，但會喝佢！Lucas得六個幾月大嗰陣，哥哥已經同佢講『Man don't cry』，栢芝見到都心痛！（栢芝做好人角色？）哥哥因為工作成日唔喺香港，所以栢芝都有嚴肅嘅一面！」至於昨日放假的Lucas，則由傭人乘的士接他回家，傭人更刻意以身護Lucas。