書展尚未正式開鑼，但一眾模已「胸」群而出，齊齊準備推出噴血寫真集，據知已有超過30個水着女排住隊等騷「事業線」！去年贏盡寫真戰的娜姐周秀娜（Chrissie），今年要迎戰多個對手！
去年已推出寫真集的胡心諾（Rainbow），今年升呢以大師姐身份，早前率領５位師妹到宿霧拍寫真，希望以人多取勝！為谷人氣，她昨日更獨自拍攝「Rohan．洛汗」遊戲廣告，原本以盔甲上陣扮演女鬥士，但臨時改穿三點式玩鐵通，大晒3吋事業線：「因為籌備時間趕，廣告商決定先着比堅尼，稍後再用電腦合成，我好專業，所以唔介意！」
早前Chrissie在另一Online Game谷盡D奶，不過Rainbow直言不怕貨比貨，她說：「唔會及佢咁勁，大家行嘅路線唔同！」除了穿上三點式，她更拿起鐵通假裝揮劍，她自爆一向沉迷網絡世界。據知，今次有5位數字酬勞，她自言會乖乖奉獻給媽媽，並會買一份厚禮給她：「我想送條金鏈畀媽咪，因為上年送咗鑽石，媽咪話唔係咁保值，將來又賣唔出，覺得黃金升值好啲！」
怕痛拒玩滴蠟
另一邊廂，據知「浸大E神」楊梓瑤（Carol）亦打算加入寫真戰，更不介意半裸出擊：「寫真集細節仲未傾好，不過我希望可以出到，因為可以推高人氣！最激嘅底線係裸背，但一定唔會玩滴蠟，因為我好怕痛！」娜姐的D Cup上圍已乳出驚人，難怪E Cup的Carol直言上圍是其最大武器：「我唔介意大家將焦點放喺胸部，因為呢啲係天生，媽咪都咁勁！（視Chrissie為勁敵？）好難追到！我啱啱考入大學（浸大人文學科），只係做Part-time Model，不過好欣賞佢EQ好高！」她的甜美樣貌加上魔鬼身材，不少宅男已為她神魂顛倒，她自爆讀書時已是萬人迷：「最多試過有5個男仔追，不過依家係單身，暫時以工作同學業為先！」
Profile：
姓名：胡心諾（Rainbow）
生日：92年1月16日
身高：164cm
三圍：32B、24、34
成名作：08年勇奪《Sony Playstation Girl》亞軍，去年成為美少女廚神。
Profile：
姓名：楊梓瑤（Carol）
生日：88年6月23日
身高：160cm
三圍：34E、24、34
成名作：08年勇奪《Bandai Girl》冠軍，去年躋身美少女廚神八強。