索模Jessica C.憑「警鐘胸」走紅，但她為《香港文華東方酒店豪華婚宴展》行騷時，卻讓咪咪「放假」！身穿多套何國鉦設計婚紗的她表示，今次是來港後首次着婚紗，故有點緊張。她透露希望婚禮能在夏天舉行，因可充滿陽光與海灘：「喺海灘會好輕鬆、快樂，我會選擇着比堅尼襯短裙行禮。」問到何以早前出席活動時封胸收起性感？Jessica說：「我着衫冇話特別諗Show唔Show個胸，最重要係舒服，『警鐘胸』都要喺適當嘅時候先會出現，例如同長輩一齊就梗係要收埋，但同朋友出街就可以出嚟囉！總之我唔係告別性感。」她又透露將會加入戰團，在書展推出寫真。
