現年25歲的無綫小花楊秀惠，07年與孫耀威（Eric）拍MV撻着，拍拖一年後有傳他在派對公然攬女，令秀惠激動喪喊，最後分手收場。Eric最近承認與陳美詩拍拖一年，秀惠不但沒有打爛「醋埕」，還大方送上祝福！原來她早已有着落，秘密與金融「財」俊Ray拍拖。

楊秀惠全晚傍實男友，拖手之餘又咬耳仔談心，羨煞旁人。	放大圖片	放大圖片

已見家長唔急嫁

秀惠前晚與Ray拖手出席莊思敏的生日派對，據知Ray與莊思敏的細妹Mona相熟，故帶同女友現身。一向嗲功了得的秀惠，全晚坐在男友身旁，不時挨近傾偈。當男友欲行開與朋友傾偈時，秀惠即拉着Ray的手，擺出一副依依不捨的樣子。當發現有人影相時，秀惠即顯得十分避忌，與男友逗留約半小時後即快閃。據知，Ray家境富裕，家人做生意外，他則在銀行界發展，由於人際網絡廣闊，最後經朋友介紹下認識秀惠。

記者昨日致電秀惠，問到Ray是否新男友？她似乎有備而來：「吓？我哋係好好嘅朋友，落去同朋友打個招呼。」她承認與Ray互相了解中，並已帶他見家長：「試吓有冇得發展，媽咪呢排嚟咗香港，都有介紹佢畀媽咪識，媽咪都話幾好。」秀惠強調現階段以事業為先，並不急於結婚，但她日前才聲稱未有拖拍，問到可有擔心被指是大話精？她笑說：「唔好咁講！真係要了解一段時間先會公開，但都好羨慕徐淑敏咁快結婚生仔。（向孫耀威示威？）唔想拉埋一齊講。」她還極力保護愛苗：「唔想影響佢，你哋叫佢麥生得喇！」

繼續隔空講「性」經

而Eric繼續與陳美詩隔空晒恩愛，她出席活動時表示不擔心男友亂性：「如果有咩事（動L）會逃跑，但拍拖唔一定需要呢啲嘢。」Eric出席另一活動時承認，以前對感情問題經常耍太極，現時卻不停掛在口邊，心情矛盾。對於教徒要守色誡，他笑言有「走盞位」：「認識宗教係出於愛去做，唔係要痛苦咁守，唔係勒住貞操帶去守色誡。（美詩話你『動L』會避開！）吓！應該！」

孫耀威公開與女友隔空晒恩愛，自言心情矛盾。設計對白

陳美詩表示若孫耀威欲破色誡，會選擇逃跑避開。