謝霆鋒妹妹婷婷昨日以「小龍女」造型出席在紅磡黃埔新天地舉行的活動，對於首次以古裝示人，婷婷說：「OK！第一次算係Pass！（畀幾多分自己？）唔知畀幾多分，好過我之前想像。（學擺甫士？）有睇過媽咪古裝同Daddy清裝頭嘅相。」她又笑言若男友安志杰扮楊過，必定十分合適。
提到阿嫂張栢芝即將分娩，婷婷稱不清楚對方何時生BB，問到栢芝有否叫她幫手湊BB，婷婷說：「冇叫！阿嫂有成Team人幫佢手。（大家都嚴陣以待？）好少人提BB呢件事，係傳媒緊張，可能係第二胎Daddy媽咪冇咁緊張。」有指因栢芝怕受騷擾，所以暫時要Lucas停學，婷婷亦表示不清楚。
