鍾舒漫（Sherman）和陳偉霆（William）日前結伴到馬來西亞舉行音樂會，吸引大批歌迷捧場，二人勁歌熱舞掀起全場高潮，在勁歌環節中，除了獻唱張國榮和郭富城的經典快歌外，亦獻唱師姐容祖兒、泳兒、Sun Boy'z及海鳴威等多首Hit歌。而High爆的歌迷突然衝到台前近距離接觸偶像，Sherman和William即落台握手，引起小騷動。
不過，二人合唱情歌時卻相當怕醜且表情生硬，結果返回後台時被工作人員取笑：「你哋係咪『有路』，做乜唱情歌唱到咁尷尬？」Sherman急忙澄清：「今次係我哋第一次合唱情歌，所以唔知畀咩反應好，唱到第二首歌就好啲，至少有眼神接觸！」而William則笑說：「我畀Sherman電親嘛！所以唔敢望佢！」
