名模Ana R.的感情生活雖然真空，但事業卻愈戰愈勇，她前晚現身潮店ADDICTION，為李樂詩弟弟李兆基（Stephen）創立的NOT FOR EVERYONE潮牌撐場！以Cowgirl造型現身的她，除露出紅Bra及晒纖腰之外，更將唇彩及手機分別攝在胸圍及內褲邊，隨身物幾乎觸及敏感部位！不過她神態自若，更頑皮地將傳媒交給她的藍芽咪夾在乳溝與Bra之間：「胸圍就係有咁嘅好處！」

Ana受訪時竟將藍芽咪夾在乳溝，然後又風騷乾杯，相當豪邁。

放大圖片

Ana表示因弟弟即將再婚，故計劃於暑假停工1個月，返美國出席婚禮，順道幫父母打理生意。提到弟弟再婚，她即扁嘴說：「我就零次！不過我冇壓力，因為工作好忙，冇時間同人約會！媽咪都冇畀壓力我，佢好明白！」專注事業的她，強調享受單身生活，希望可為玉樹地震做慈善工作，不忘呼籲各界捐錢。

方力申義助好兄弟

同場的方力申則表示與Stephen是好朋友，故今次不收酬勞：「我哋識咗3年，佢一向有贊助我，今次我嚟支持佢，還番人情畀佢！（有冇興趣搞時裝生意？）冇喎！之前Stephen都叫我入股，不過我怕合作會影響感情。」