由羅拔唐尼主演的《鐵甲奇俠2》，前日在洛杉磯舉行全球首映禮，盛傳不和的兩位女主角史嘉娜祖漢遜和桂莉芙白德露，不約而同地穿上白色服飾到場，可能為免「撞色」，兩人先後腳行紅地氈，沒有交流，亦未有企定定合照。大合照時，兩人亦被其他拍檔隔開。至於導演法夫羅、編劇Justin Theroux、演員羅拔、米奇洛基、森姆積遜和當切度等亦有到場，場面熱鬧。
桂莉芙表示當初接拍《鐵》片全因導演和羅拔：「同佢哋合作會好玩，好在冇揀錯，就算唔好玩，起碼可以賺筆錢。」她還自爆：「我好鍾意羅拔，十幾歲起就係佢嘅Fans。」不過，她有時拍戲會因太掛念一對子女，而在休息車上哭起來。另外，日本男星中村獅童昨日變身鐵甲人宣傳《鐵2》。