有「翻版徐若瑄」之稱嘅台模李毓芬（Tia）同另一台模雪芙（Puff），近排成日港台兩邊飛，當正香港係佢哋第二個家，小小So仲知道佢哋好識食，分分鐘仲犀利過啲香港人，喺咁多種美食入面，佢哋最鍾意食嘅竟然係即食麵！
小小So：你們為甚麼那麼愛吃即食麵？
Tia：因為在台灣吃不到，台灣人不會這樣煮即食麵的。
Puff：對呀！我們最愛吃芝士豬頸肉即食麵，每次來港一定要吃！
小小So：你們在家會煮即食麵吃嗎？
Tia：不會呀！在家煮的不好吃，所以每次來香港都會找不同的餐廳試試看！
小小So有一次見到佢哋啱啱落機就即刻仆去食麵，連行李都未放好就去咗一間香港好出名嘅麵檔食豬膶牛肉麵，可見佢哋真係即食麵嘅狂熱分子！佢哋仲不停叫經理人快啲喺台灣開番一間「美人即食麵」，到時佢哋就去做生招牌，一定賺到盆滿缽滿！睇嚟呢兩個小妮子都幾有生意頭腦喎，到時唔做模特兒，轉做商人都一定掂！