裸妝深受女士歡迎，着重自然美的模特兒李莉琳（Liz）亦是裸妝Fans，她說：「我最鍾意化自然嘅妝，一定會嚴選貼薄嘅粉底，最好同時有埋護膚同防UV嘅功效，咁就可以Keep住皮膚雪白無瑕啦！」

Liz認為明亮雙眸亦很重要，所以必化眼仔睩睩的大眼妝，試用後即愛上Pulse Perfection Vibrating Mascara：「我化妝師都話微震睫毛液好用，我一用就愛上，係懶人必備，隻手唔需要郁，佢每秒微震100次，啲睫毛液會自己黐上去睫毛度，仲搽得好均勻，而佢嘅微震好似按摩咁，好舒服！用咗呢支睫毛液，好輕易就可以令睫毛濃密分明，而且仲好翹，好持久。」

Step1 臉蛋塗上潤膚霜後，擠出如黃豆大小的BB Base，輕按在面上作底妝，亦可在眼圈及紅印上多塗一層加強遮瑕效果。	Step2 以海綿取出適量的兩用粉餅，輕輕地拍上全面定妝，令面部白滑乾爽。	Step3 完成底妝後，在眼窩位掃上淺啡色眼影，再在眼皮摺位掃上深啡色眼影，而白色眼影可作眼頭及眉骨的Highlight。
Step4 在貼近眼睫毛的位置，由眼頭至眼尾，以眼線掃塗上眼線啫喱，稍為畫翹眼尾位置，令雙目更精靈。	Step5 以睫毛夾翹眼睫毛後，均勻塗上微震睫毛液，若想效果更濃密，可重複塗抹。	Step6 最後塗上淺粉紅色亮麗唇彩，讓雙唇水凝滋潤，散發閃爍光芒。

眼妝Tips

要打造迷人明眸，除了用微震睫毛液外，Liz還推介大眼妝另外兩寶：「銅色或啡色眼影都好緊要，又夠穩陣，最好一盒有深淺唔同嘅啡色，眼窩位搽淺啡色，眼皮摺位搽深啡色，想眼形長啲可以喺眼尾加多啲啡色，用埋唔甩色嘅眼線膏就靚晒！」

1.Pure Mineral純礦物BB Base $99

2.Pure Mineral純礦物防UV兩用護膚粉餅 （共４款色調）$89

3.純礦物粉盒 $39

4.Eye Studio Diamond Glow閃鑽系列四色眼影（共5款色調）$89

5.Eye Studio Lasting Drama Gel Liner持久耀目眼線啫喱 $79

6.Pulse Perfection Vibrating Mascara觸動完美微震睫毛液 $129

7.Watershine Collagen CreamGloss水晶骨膠原亮麗唇彩（共6款色調） $79

林嘉慈