吳雨霏（Kary）和森美身體力行支持樂施米義賣行動，早前兩人分別到雲南及貴州探訪，Kary最難忘是在村民的家留宿一晚：「間屋底層係豬欄，雖然唔係好臭，但啲豬好嘈，佢哋教我擺啲生薑辟蝨，食水係最大問題，嗰兩日我都冇沖涼，只係用水抹身。」當地衞生環境惡劣，Kary在荒山野嶺要由助手擔遮掩護小解，她笑說：「忍咗兩日都冇開大。」此行令她體驗到食水的重要，她說：「我哋真係好幸福，原來生活好簡單，唔應該為小事唔開心、發脾氣，要好好珍惜，唔好浪費。」