江若琳（Elanne）昨日在奧海城出席《奧海城南非節》活動，同場還有信和集團執行董事楊光、信和集團商場推廣總經理蘇蔡潔蓮及南非駐香港及澳門總領事譚諾娜。嘉賓在台上跟隨非洲鼓節奏學跳Diski Dance，感受熾熱氣氛。南非舞蹈員熱情地搭着Elanne膊頭合照，Elanne說：「嚟到嗰陣佢哋Kiss我手背，有少少尷尬，不過明白只係禮貌。」她表示除之前極速跟教練學跳Diski Dance外，事前亦有上網睇片做功課：「呢隻舞有啲足球動作，好得意！但自己對足球就有少少陰影，試過小學同啲同學去踢波，點知食波餅，搞到半邊面腫咗，不過依家我都鍾意睇波。（鍾意邊位球星？）碧咸囉！我同老竇打對台，佢鍾意朗拿度。」

舞蹈員與江若琳搭膊頭合照，十分熱情。

信和集團商場推廣總經理蘇蔡潔蓮（左起）、南非駐香港及澳門總領事譚諾娜和信和集團執行董事楊光合照。

否認被婷婷睇唔起

此外，對於有指早前她與謝婷婷出席活動時，被對方睇唔起，Elanne說：「可能近排（新聞）太靜啫！我哋嗰日都有傾偈，佢好Nice，依家都冇精力為呢啲報道唔開心。」她興奮地表示最近拍攝劇集《洪武三十二》，更反串男仔：「監製覺得我扮男裝好得，仲加咗我幾場戲，不過呢排都要地獄式工作，之後要錄音、練舞添！」