黃百鳴前晚現身電影《葉問2》首映後，並未出席該片慶功派對，原來女兒黃漪鈞為他在中環舉行生日派對，黃百鳴好友洪金寶、鄭則士夫婦、林莉、傅明憲、熊黛林、蕭定一與打扮性感的女友人劉羽琦等到賀，問黃百鳴有何生日願望？他說：「希望拍多啲好戲，身體健康，仔女事業順利。」有指黃曉明因不滿《葉問2》戲份被刪而缺席香港宣傳，黃百鳴說：「唔係，大家係好朋友，佢係內地最紅嘅小生，身不由己，可以理解。佢之前喺內地都好落力宣傳，病咗都有幫手，有次病到完成宣傳工作後急急入院，佢嚟唔到香港，應該係因為要拍陳凱歌套戲，佢之前喺微博都有講o架！絕對唔關刪戲份嘅事。」問到對票房有何寄望？他說：「希望好過上一集。（會否再拍第三集？）要停一停先。」