黃曉明雖然缺席宣傳，但電影《葉問2》前晚假圓方戲院舉行慈善首映禮，場面一樣墟冚，黃百鳴、甄子丹、洪金寶、熊黛林（Lynn）及樊少皇等均有出席，其中Lynn少有地穿上平底鞋，問她是否遷就男主角甄子丹，她解釋一向做電影宣傳大多會着平底鞋，但並非為了遷就男演員：「我想啲電影人見到我真正嘅身高，搵我拍戲。（郭富城有冇投訴你着高踭鞋？）冇！」她又直言想城城捧場：「睇吓我有冇飛畀佢。（同城城去戲院啲情侶座一齊睇？）唔會專登一齊睇，都唔知邊啲有情侶位，希望佢睇完會畀啲意見我！」
首映結束後，Lynn與甄子丹夫婦、楊恭如等到美麗華酒店出席電影慶祝派對，及後她再趕往黃百鳴的生日派對，認真有心。而電影今日的優先場收益，扣除開支後會撥捐玉樹賑災。此外，甄子丹另一新片《關雲長》亦於內地秘密開鏡，其關公造型曝光，面上黐了不少鬍鬚的他，不斷揮舞手上關刀，凸顯英雄氣概。
