有「小章子怡」之稱的模特兒李月，為專注模界發展而離開舞蹈團，隻身來港闖天下。
李月（BoBo）成為模特兒前，在中國舞蹈團當了4年舞蹈員，直至3年前在街上被星探發掘，才開展其模特兒生涯，更有幸與成龍父子合作拍攝內地綠茶廣告。她坦言拍攝前一晚緊張到失眠，擔心演出欠佳會拖累對方，幸好最後順利完成：「嗰日拍咗3次就OK，成龍好好人，完全唔惡！」
舞蹈底子幫助大
BoBo最難忘首個Catwalk Show，她在全場40名模特兒中個子最矮小，卻有Solo機會：「時裝騷開始前，有一段少少嘅演出，講個女仔由起身到着衫，當時我係新人又最矮，唔知點解會揀中我，可能我有舞蹈底子。」
在內地當了1年兼職模特兒後，BoBo毅然放棄跳舞，隻身來港擔任全職模特兒，雖然放棄從事多年的專業，但她未感可惜：「我雖然冇跳舞，但之前學嘅冇白費，跳舞對做模特兒好有幫助，始終氣質會有少少唔同，而且廣告需要肢體語言，跳舞喺呢方面幫到我。」
化身「水造」姑娘
在港2年期間，她接下不少廣告，當中以酒店廣告最大規模，她說：「呢個廣告係我最鍾意嘅，因為好大製作，而且專業，拍出嚟好靚，人人都叫我做Water Girl。」對於被指貌似章子怡，她卻不以為然，但承認曾因而得到模特兒工作，有次母親看雜誌時，更將章子怡誤認是她，十分搞笑！
Profile
姓名：李月
身高：172cm
體重：48kg
三圍：32A、23、34
出生日期：6月1日
廣告經驗：
Champion、Sony電腦、
新城巿廣場、博士倫眼鏡
模特兒公司：
Elite Model Management