昨日Ella穿上BCBG雪紡連身裙、腳踏Zara高跟鞋出席健康食品活動，但因衫裙薄如蟬翼，令她疑似透出T-back內褲。對於以「香蕉」打扮亮相，Ella自認是「蕉人」：「我黃皮白心，細個啲人成日笑我，不過我係傳統嘅中國人。」問到是否穿了T-back內褲，露了「餡」的Ella尷尬地說：「唔好問呢啲啦！（着黃色背心又露出黃Bra帶？）唔係刻意襯色，只係背心嘅吊帶，我打咗兩層底，絕對唔會走光。」

擔心提早骨質疏鬆

活動上，曾學瑜伽的Ella跟導師輕易做出瑜伽動作，其後接受骨質疏鬆測試，現年30歲的她擔心地說：「做藝人食無定時，又冇時間休息，我都擔心提早有骨質疏鬆問題，所以我已經食多啲鈣片等健康食品，又做運動！」早前她曾計劃到泰國做全身檢查，可惜當地政局不穩才取消行程。