無綫與四大唱片公司因版稅問題仍爭持不下，「四大」旗下歌手在「封殺令」下一直沒有現身無綫，直至演藝界同心協力為青海災民舉行籌款晚會才獲「解封」，昨晚Kay原定被安排打頭陣獨唱，司儀鄭裕玲（DoDo）在台上說：「阿Kay準備好喇！」大會鏡頭即對着台上的Kay，但現場卻沒有播出音樂，靜止約十數秒後，鏡頭突然轉向DoDo及鄭丹瑞，二人即拖延時間，數十秒後鄭丹瑞改為邀請李玟上台獻唱，繼而到關淑怡獨唱，Kay最後才與二人合唱《祝福》，但獨唱環節則慘被Cut。

Kay出場後遇上音響失靈，只好無奈地返回後台。

Kay（中）最終錯失獨唱機會，只能與李玟（左）及關淑怡合唱一曲。

環球和無綫關係處於「敏感時期」，令人聯想Kay被Out「事有湊巧」，記者向大會監製金廣誠查詢，他解釋：「Kay係第一個唱，但佢上咗台之後隻碟壞咗播唔到音樂，所以由李玟頂上！」而Kay則說：「我本來係上台唱《愁人節》，但餅帶Play唔到，原本每人有兩分鐘時間唱，但我上咗台發現冇聲都呆咗企喺度，好錯愕，但唔緊要啦！有份出力已經好開心！」她表示大會沒有要求重唱，但明白活動籌備倉卒才出現混亂。

夏雨及曾華倩等EYT元老手舞足蹈勸捐。	盧冠廷（左）及羅大佑獻唱，全場拍爛手掌。	捲入涉貪案的錢國偉亦有落場幫手。

李玟頂上「唔知咩事」

李玟對此說：「原本係阿Kay唱先，但係佢企出台之後，工作人員突然叫我唱先，我都唔知咩事！」

除了Kay的唱片失靈外，當任達華作出呼籲時咪高峰亦冇聲，要由工作人員遞上另一支咪。另外，楊宗緯和陳楚生獻唱完畢後，鏡頭竟發現林峯一臉尷尬從台邊上台唱出《換個方式愛你》，可想而知安排混亂。