英皇群星容祖兒、Twins與古巨基等昨晚齊集大匯演，祖兒帶領全公司歌手獻唱一曲後說：「今晚大家台前幕後一齊付出努力去做，不過有位救人英雄（黃福榮），佢為咗救一班小朋友，連生命都付出咗，佢嘅精神好值得大家學習。」在後台受訪時，她表示看見中、港、台藝人齊心賑災，深受感動。設計慈善T恤的古巨基則說：「T恤上印咗個背囊，代表黃福榮，暫時未知推出日期，售價預計100蚊以上，我考慮喺媒體或網絡推廣。」在旁的祖兒即自薦做縫紉女工以示支持。
另外，曾深入青海災區探訪的張家輝在台上分享感受，他表示成年人尚有承受力面對傷痛，但小朋友的心靈則需要特別關注；而他昨晨在北京趕往機場途中接受電台訪問，指囡囡得悉他到災區探訪後十分擔心：「佢唔識表達，只係眼紅紅，都幾冧o架！」他還透露此行探訪了4、5間醫院，但因怕血而不敢進入深切治療部。