自與內地當紅小生黃曉明傳出緋聞後，蜜運中的Baby明顯較以前心廣體胖，胸前「事業線」亦突然更有睇頭，曾惹來「僭建」傳聞，事後Baby解釋因重了五磅令上圍受惠。為保飯碗Keep住瘦削身段，她揚言要積極減肥。

日前下午2時許，Baby在尖沙咀出席完活動後，與經理人Kim乘公司七人車在附近兜了一個圈，其後直駛廣東道新港中心落車。剛從上海探外婆返港的Baby，未知是否仍掛念家鄉，選擇到上層一間上海菜館醫肚。甫坐下，Baby即拿起菜單與經理人研究，最後「柯打」了數碟小菜，包括上海粗炒及炒四季豆等。未幾，Baby的好友兼師妹楊汀叮亦與助手前來會合，見眾人有說有笑，雖然被不少食客認出，但美食當前，Baby似乎忘記減肥宣言，開懷狂擦一番！胃口不錯的Baby醫飽肚後，便到商場門外等車，當她發現有記者時，即對着鏡頭露出甜美笑容，然後乘車往中港城繼續工作。

素顏攞錢頭耷耷

翌日約晚上8時，戴帽穿超短牛仔褲的Baby，素顏獨自現身銅鑼灣，未知是否怕被人認出，見她低頭急步走入商場攞錢，然後到COVA餐廳會合正在等外賣的經理人Kim。

沒有化妝的Baby低頭攞錢。

Baby到寵物店避風頭，並由經理人Kim護駕。

對Baby寵愛有加的Kim，見有記者即上前護駕，並說：「佢冇化妝呀！唔好影啦！」其後匆匆往附近一間寵物店避鏡頭。直至其座駕駛至，已戴上太陽眼鏡的Baby，低着頭箭步衝上車離開。