昨日陳敏之身穿低胸背心，再到深水埗為無綫新劇《怒火街頭》拍攝外景，因她要拍攝被摑、與女人互毆及遭男演員擘腿摸腳掂Pat等多場超激場面，結果比前日烏身趴地吸引更多街坊駐足觀看，當中以男士居多。
敏之表示在眾目睽睽下被摸，不感尷尬：「我為咗呢個角色睇咗好多電影做參考，劇情講妓女被歧視，呢段情節可以反映到妓女被人睇唔起，只要投入咗角色就唔覺尷尬。劇情仲講我會被人摑，又要同女人互打，其實我係個唔鍾意打打鬧鬧嘅人，但拍嗰時為咗效果逼真，我情願大家都用真力，唔好就住就住，假得滯咪又要拍多個（鏡頭），情願痛一次好過。」
